Ay. 8 Musuna nimaksudna dison, i ma na sai manghasogohon bangso na pinillit ni Debata, na sai las rohana marnida ala hona uhum bangso na pinillit ni Debata. Didok parpsalmen on do, nang pe sai marlas ni roha musu i, ala ni parungkilon ni bangso ni Debata, alai parsatongkinan do i.
![]()
Nang pe tinggang bangso i di hatiha i, sai na hehe do muse, jala nang pe hundul di bagasan haholomon alai Jahowa gabe panondang di nasıda (pat. Psalm 27 1: Jer. 9: 1). Lapatanna berakhir do muse angka penderitaan i, ndang salelengna Debata manguhum, alai asianNa do bangsoNa. I do umbahen di bagasan penderitaan pe nasida alai marpanghirimon do, ndang gabe laos monjap, tarpodom, terpuruk.
ay. 9-10 Diantusi parpsalmen on do, ia ro pe rimas ni Debata ala ni dosa ni jolma i do, asa ingkon do manaon jolma i ala ni dosana. Alai di bagasan pos ni roha na paluaon ni Jahowa do muse sian i. Di ujungna paluaon ni Jahowa do bangsoNa, jala hadir Debata gabe Pembela laho patupahon i, paulakhon bangsoNa tu keadaan na sasintongna songon bangso ni Debata.
Jala ingkon berengon ni angka musu ni Israel do saluhut pambahenan ni Debata tu nasida, jala ingkon maila nasida, na mangaleai Debata. Maila nasida mamereng tindakan ni Debata na manghophop bangsoNa, na satia di padanNa. Jala ingkon berengon ni parpsalmen on do di bagasan-hapor-seaonna pambahenan ni Debata tu musu ni Israel di habuangan i, hona luntak songon gambo di alaman.
ay 11-13: Nunga ro ari parpaulion di parikmu, ari parholangan ni Patik do i. Lapatanna marujung ma tingki parungkilon ni bangso i, ro ari nauli, haluaon secara universal, pemulihan Jerusalem. Jala marroan halak sian Assur, Misir (sian saluhut inganan) sian na so tinagam hian, ro tu Jerusalem na gabe pusat ni haluaon manjalo di bagasan parsaoran nauli, di angka na monang na mangokuhon dohot na porsea di Jahowa.
3. Sipahusorhusoronta
ü Ndang dihalupahon Debata angka na porsea i, na sai tongtong di bagasan hasabaron paimaimahon haluaon na pinatupa ni Debata. Angka na porsea na so terimbas di keadaan di na humaliangna, na sai tongtong manghalungunhon kehadiran ni Debata, i do na dapotan jala na marlas ni roha, jala monang.
Pangantoion ni Debata di angka na porsea i, di parungkilonna dohot di parsihohotonna, gabe hailaon do i di angka na manghasogohon Ibana. Marlojong ma hita manghamonanghon haporseaonta asa malua hita. Ia Jesus Ima Mesias na pinaimaima ni jolma na manghalungunhon haluaon i.
